Para coñecer os nosos recursos educativos, fai clic nalgunha das seguintes categorías e visita este apartado na páxina web de InteRed.
Has atopar os materiais ordenados por data de publicación e un buscador por palabra chave, tipo de recurso, temática e público destinatario.
Podes descargar as publicacións gratuitamente.
Destacados
Sae á vida, transforma o mundo
Un itinerario formativo, adaptado a cada etapa educativa de Segundo Ciclo de Infantil, Primaria, Secundaria, Bacharelato e Formación Profesional para a formación dun alumnado transformador e comprometido na acción local para o cambio global, coa proposta didáctica “Sae á vida, transforma o mundo”.
Un currículo orientado á cidadanía global. Aportes para a súa construción.
Como podemos impartir o currículo escolar para que impulse a cidadanía global?
Apostamos por un currículo que constrúa cidadanía global en coherencia cos Obxectivos de Desenvolvemento Sostible e a pedagoxía dos coidados. Propoñemos orientacións para impartir o currículo oficial de modo que se impulse dita cidadanía, un modo de traballar as materias atendendo aos enfoques da Educación Transformadora: Xustiza Global e Dereitos Humanos, Xénero e Coeducación, Interculturalidade e Inclusión, Participación e Sostibilidade Ambiental. Catro documentos independentes para Educación Infantil, Primaria, Secundaria (ESO e Bacharelato) e Formación Profesional, onde atoparemos a relación existente entre a Cidadanía Global e cada un dos elementos do currículo.
Sus, Tenta e Ble á procura da Axenda dos números
Un xogo cooperativo fundamentado na Educación Transformadora para a Cidadanía Global.
Sos, Ten y Ble en busca de la Agenda de los números [Sus, Tenta e Ble á procura da Axenda dos números], un xogo cooperativo fundamentado na Educación Transformadora para a Cidadanía Global. Está deseñado como recurso didáctico para ser utilizado, coas súas debidas adaptacións, nas aulas de Educación Infantil e Primaria. Tamén resulta idóneo para xogar a calquera idade, en familia ou noutros contextos educativos.
A meta do xogo é imaxinar e construír colectivamente a aventura que percorren tres personaxes durante a súa viaxe á procura dunha solución para evitar a destrución do medio no que viven. Atoparana na Axenda dos números, que non é outra ca Axenda 2030 para atinxir os Obxectivos de Desenvolvemento Sustentable.
