22 Set Recrear a educación para a Cidadanía Global
Tendo en conta as desigualdades existentes que a Covid-19 visibilizou e agravou aínda máis, Óscar Jara Holliday propón repensar a educación para que as propias persoas sexan as protagonistas dos procesos de cambio económicos, sociais, políticos e culturais.
Para iso, avoga por unha educación transformadora para construír unha cidadanía global, unha baseada na “educación liberadora” de Paulo Freire. Trátase dunha educación crítica, xa que o proceso de aprendizaxe se basea en que somos suxeitos integrais, capaces de sentir, pensar, soñar, facer e transformar dunha maneira participativa e solidaria.