Transforma Sarearen esperientziak

Herritartasun globalerako hezkuntza eraldatzailea sustatzeko irakasleek bultzatzen dituzten hezkuntza-esperientziak partekatzen ditugu.

Elkarrekin ikasten, pertsona batzuk beste batzuekin batera. Ikaskuntza-zerbitzua Congrés Indians auzoan

Bartzelonako Sant Andreu barrutiko Congrés Indians auzoan dauden Arrels eskolak eta Sants Innocents hezkuntza bereziko zentroak Ikaskuntza Zerbitzuko hezkuntza-esperientzia daramate aurrera, ikasitako ezagutza eta gizarte-konpromisoa uztartzeko asmoz.

Esperientziaren bidez hezkuntza-kalitatea handitzea lortu dute, curriculumari konpromiso parte-hartzailea eta tokiko garapenerako ekarpen solidarioa gehituta, auzoan gizarte-kohesioa areagotzeko helburuarekin.

Ulía + Urbana hiriko hezkuntza-proiektua

Ulía + Urbana hiriko hezkuntza-proiektua

Udalak proposatuta, herriko ikastetxe guztientzako «Hiriko Hezkuntza-proiektua» nola landu eta sinatu duten kontatzen du Cordobako Montemayor udalerriko Ulia Fidentia bigarren hezkuntzako institutuak hezkuntza-esperientzia honetan. Azken urteetan herriko zaintzen inguruan egindako lanaren eta ikastetxeko ikasleen batzarren emaitza da proiektua; izan ere, batzarretako emaitzak, hausnarketak eta hobekuntza-proposamenak Udalean partekatu zituzten.

Prestakuntza-jardueren organigrama

Prestakuntza-jardueren organigrama

Murtziako Escuela Equipo ikastetxean, parte-hartzea eta antolaketa honako hiru ardatz nagusi hauen inguruan egituratzen dituztela azaldu dute bertako kideek: balioetan heztea, ingurunea zaintzea eta hezkuntza-komunitateko parte-hartzearen kudeaketa. Horien araberakoa da ikastetxearen funtzionamendua eta lana.

Ezaugarriak. Ikastetxe eraldatzaileak

Ezaugarriak. Ikastetxe eraldatzaileak

Malagako IES Pablo Picasso eta CDP Santa María de Los Ángeles ikastetxeetan prestakuntza- eta lan-saioak egin dituzte ezaugarri eraldatzaileak aztertzeko: zeintzuk bereganatu dituzten, zeintzuk ez, lehenetsi nahi dituztenak, eta hemendik aurrera hartu beharreko bidea herritartasun globalerako ikastetxe eraldatzaile gisa aurrerapausoak emateko.

Sustraien eta zaintzen sarea. Landu zure garuna

Sustraien eta zaintzen sarea. Landu zure garuna

Alacanteko Vistahermosa herriko Santa Teresa ikastetxean pentsamendu kritikoaren lanketa sustatzen ari dira, gurekin partekatu duen hezkuntza-proiektuaren bidez. Ikasgaietako jarduerak erabiltzen dituzten horretarako, hainbat gairekin lotuta daudenak: elikadura osasungarria, adimen emozionala, elikagaiak lortzeko prozesua, baliabideak berrerabili eta birziklatzea, genero-ikuspegia, hezkuntza-komunitate osoaren inklusioa —ikasleak, familiak, irakasleak eta administrazio eta zerbitzuetako langileak—.Laburbilduz, proiektua diziplina anitzeko gune gisa planteatu dute, eta bertan bizitzako alderdi guztiak ikusten dituzte.

Herritartasun globalerako hezkuntzako zure esperientzia Transforma Sareko gainerako partaideekin partekatu nahi baduzu, jar zaitez harremanetan zure eskualdeko InteRed-en ordezkaritzarekin.

Harpidetu zaitez InteRed-en albiste-aldizkarira

Este sitio web utiliza cookies para mejorar la experiencia del usuario. Al continuar navegando aceptas su uso. Más información

ACEPTAR
Aviso de cookies